Хэлэ бэшэгэй эрдэмэй доктор, профессор, академик, Эсэгэ ороноо хамгаалгын Агууехэ дайнай ветеран Улзы-Жаргал Дондуковай дурасхаалда зорюулагдаhан эрдэм - шэнжэлгын хуралдаан мартын 20- до Мухар-Шэбэрэй аймагай Усть-Алташын интернат -hyргуулида үнгэрбэ.

Поселиин дунда hургуулиин буряад хэлэнэй багшанар, шабинар эдэбхитэйгээр хабаадаабди. Арадай Хуралай түрүүлэгшэ Владимир Анатольевич Павлов хуралдаанай хабаадагшадые халуунаар амаршалаад, У- Ж .Ш. Дондуковай уншалгануудые заншалта болгохоор уряалба. Гүлмэр залуу 17 -той наhандаа Улзы-Жаргал Шойбонович Эсэгэ ороноо хамгаалгын Агууехэ дайнда ошоhон намтартай. Берлин хүрэтэр гүрэнөө хархис дайсанhаа хамгаалжа, оло дахин шархатаhан, дайнай hүүлдэ дээдэ эрдэм шудалжа, Киргизидэ хүдэлөө, Монголой Улаан-Баатарта ажаллаа, багахан сагта Ливи гүрэндэ ород хэлэ зааhан, 1985 онhоо Буряадай дээдэ hургуулида багшалhан байна. Буряад хэлэеэ шудалха, хүгжөөхэ хэрэгтэ хамсыгаа шаман оролдолго гаргаhан байна. Усть - Алташын hургуулиин багшанарта, ажалшадта, шабинарта айлшадаа ехэ халуунаар угтаһандань баяраа мэдүүлнэбди .
Наманжуева С. Р., буряад хэлэнэй багша